خانمە هونەرمەندێكی بە ڕەگەز ئۆكرانی كە لە منداڵیەوە خولیای درووست كردنی بوكەڵەی هەبوو , لە ئێستا توانی زیاتر پەرە بە كارەكەی بدات و بەهرەكەی نازناوی زیاتر بەرز بكاتەوە .

ئەم بەهرەیە دوای ئەوە هات كە بە منداڵی بووە خاوەن بووكەڵەی باربی , لەبەر هەژاری و باری داراییان ئەم خانمە لەو تەمەنە بچووكەیدا لەگەڵ خوشكەكەی دەستیان دەكرد بە دروست كردنی جل و بەرگ و ستایلی نوێیان بۆ ئەو بووكەڵەیە دادەڕشت .

بەم دواییە توانی كۆمەڵێك بووكەڵە لەسەر شێوەی چەند ئەكتەر و ئەستێرەیەكی هۆلیوود درووست بكات وەك جینیفەر لۆرانس, ناتالی بۆرتمان, ئیمیلیا كلارك, وە ئیما واتسۆن , تایبەتمەندی و جوانی ئەم كارە لە چەند خاڵێك خۆی دەبینێتەوە , وەك ئەوەی دەركەوتووە كە شێوەیان زۆر لە كەسە ڕاستەقینەكان دەچن ,وە سەرەڕای بچووكی قەبارەیان ئەم هونەرمەندە توانیوویەتی بە هەمان ئەو ستایلە درووستیان بكات وەك چۆن پێشتر لە فیلمەكانیان دەركەوتن .