زانكۆیا دهۆك پشكا شانۆیێ‌ ب هەڤكاری ل گەل رێڤەبەریا شانۆیا دهۆكێ‌ دێ‌ شانۆگەریا بارانا رەنگان ب هەلكەفتا رۆژا جیهانیا شانۆیێ‌ ل سەنتەرێ‌ پارێزگەها دهۆكێ‌ نماییش كەت.

مەسعود عارف، دەرهێنەرێ‌ شانۆگەریا (بارانا رەنگان) دیاركر، هژمارەكا قوتابیێن بەشێ‌ درامایێ‌ ل زانكۆیا دهۆكێ‌ دێ‌ پشكداریێ‌ د ڤێ‌ شانۆیێ‌ دا كەن و نها هەموو بەرهەڤی هاتینە كرن و ب هەلكەفتا رۆژا جیهانیا شانۆیێ‌ ل رۆژا سێشەمبی 27/3/2018 ل دەمژمێر 5:00ی ئێڤاری دێ‌ ل هۆلا محەمەد عارف جزیری هێتە نماییشكرن و هەموو خەلك یێ‌ داخوازكریە بۆ تەماشەكرنا ڤێ‌ شانۆیێ‌.

مەسعود عارف ئەو یەك ژی دیار كر كو ناڤەرۆكا ڤێ‌ شانۆیێ‌ ل دۆر كۆمەكا چیرۆك و حیكایەتێن جڤاكێ‌ جیهانی نە و ب واتایا هندێ‌ یی كو شەر ب دووماهی هاتینە و دێ‌ ژیان دەستپێ كەتە ڤە و ژیان بەردەوام بیت و تێكستێ‌ شانۆیێ‌ سێ‌ بەشان بخۆڤە دگریت، گرۆپێ‌ ئێكێ‌ دێ‌ سترانا بێژن و گرۆپێ‌ دوویێ‌ دێ‌ باسی كارەسات نەهامەتیێن پشتی شەری كەن كا چ ب سەرێ‌ ئافرەتێ‌ و زارۆیان هاتیە و بەشێ‌ سیێ‌ ژی دێ‌ بەحسێ‌ چیرۆك و حیكایەتێن جڤاكێ‌ جیهانی كەت.