حەمید عوسمان، گۆرانیبێژی کورد، ڕوونکردنەوەیەکی لەبارەی هۆکاری دواخستنی کلیپە دوێتەکەی لەگەڵ پەیوەند جاف بڵاو کردەوە.

حەمید عوسمان، ئێوارەی ڕۆژی پێنج شەممە، 2018/3/22 لە هەژماری تایبەتی خۆی لە تۆڕی کۆمەڵایەتیی (ئینستاگرام)ـدا، ڕوونکردنەوەیەکی لەبارەی هۆکاری بڵاو نەکردنەوەی کلیپە نوێیەکەی بڵاو کردووەتەوە و ئاماژەی بەوەداوە، کە بەهۆی بارودۆخی عەفرینی ڕۆژئاوای کوردستان کاتی بڵاو کردنەوەی کلیپەکەیان دواخست.

ڤیدیۆ کلیپی (یارەکەم) کە بەشێوەی دوێت، حەمید عوسمان و پەیوەند جاف تۆماریان کردووە، بڕیاربوو لە شەوی جەژنی نەورۆزدا، بڵاو بکرێتەوە.