هونه‌رمه‌ندی گه‌نج " بنیامین شادمان " دوای ئه‌وه‌ی دوایین به‌رهه‌می شیعری خۆی به‌ ناوی تاوانبار بڵاوكرده‌وه‌ ، بنیامین له‌ ئێستادا سه‌رقاڵی بڵاوكردنه‌وه‌ی به‌رهه‌مێكی دیكه‌ی هونه‌رییه‌ .

ئه‌و هونه‌رمه‌نده‌ ئاشكرایده‌كات به‌م نزیكانه‌ تازه‌ترین به‌رهه‌می هونه‌ری خۆی له‌ ژێر ناوی ( مه‌روا ) بۆ هه‌وادارانی بڵاوده‌كاته‌وه‌ ، ئه‌مه‌ش دوای ئه‌وه‌ دێت هه‌ر ماوه‌یه‌ك پێش ئێستا نوێترین به‌رهه‌می شیعری خۆی به‌ ناوی تاوانبار بڵاوكردووه‌ته‌وه‌ .

شادمان له‌ ساڵی 1991 له‌ شاری سلێمانی له‌ دایك بووه‌ و له‌ ئێستادا له‌ هه‌ولێر نیشته‌جێیه‌ ، هونه‌رمه‌ند شادمان یه‌كه‌م ده‌ستپێكی هونه‌ری بۆ وڵاتی ئێران ده‌گه‌رێته‌وه‌ و هه‌ر له‌م وڵاته‌ فێری ئه‌لف و بێی مۆسیقا بووه‌ و له‌ ساڵ 2012 له‌گه‌ڵ كۆمه‌ڵێك میوزیکژه‌نی ناسراو كرووپی مۆسیقای لاوی له‌ شاری سۆران پێكهێنا .