وێنەگرەكێ پێشمەرگە: دێ داستانێن پێشمەرگەی كەمە فلمێن دكیومێنتاری
وێنەگر و ئەفسەرێ پیشمەرگە جوتیار نائیف بانی، راگەهاند: "بەریا داعش ل سالا 2014 ێ هێرشێ بكەنە سەر پێشمەرگەی من هەر كارێ وێنەگریا سەربازی دكر وەك فوتو ڤیدیو، بەلێ پشتی شەرێ پێشمەرگەی ل سالا 2014 ی دگەل داعش دەست پێكرێ من كارێ خوە بەرفرەهتر لێ كر بۆ پتر خزمەتكرنا پێشمەرگەی و نیشاندانا قەهرەمانیا وان وەك خوە دسەنگەراندا".
جوتیار گوتژی: "من گەلەك وێنەو چەندین دەمژمێرێن ڤیدویا شەرێن پێشمەرگەی ئەرشیف كرینەو چەندین جاران مە پێشكەشی كەنالێن راگەهاندنێ كریە لسەر داخوازا وان ژبەر كو ئەو جهێ ئەم وەك پێشمەرگە دگەهشتینێ هەموو كەس ب ساناهی ناگەهنێ لەورا ما مە پێشكەش دكرن ئەو دیمەن".
وێنەگر جوتیار دیار كر: "هەلبەت ئەوێ ببیت پێشمەرگە دڤێت هزربكەت دێ شەهید بیت , دێ برسی و تێهنی بیت ژبەركو پێشمەرگایەتی ب خوە شەرەفەكا مەزنەو ب دەست هەمی كەسان ناكەڤیت و یا ل وێ مەزنتر شەهید بونە وەك پێشمەرگە درێیا كوردستانێ دا , ب دیتنا من شەهید بون ب دەست مە ناكەڤیت خوزیا منە درێیا كوردستانێ دا و د تول ڤەكرنا شەهیدێن كوردستانێ دا ئەز شەهید ببم".
ناڤبری تەكەز كر: "ژبلی كومكرنا ئەرشیڤەكێ مەزن سالا بوری دێكومێنتاریەك ل سەر داستا سەهلج دروست كر ل بەنداڤا مووسل، نوكە كار ل سەر دورستكرنا دكیومێنتاریەكێ دكەم بناڤێ پێشمەرگە و دەولەت) بۆ وێ چەندێ قەهرەمانی و چاڤ نەترسیا پێشمەرگەیا ل هەمو جیهانێ بەلاڤ ببیت و بزانن چەوا پێشمەرگەیا خوە گوری ئاخ و وەلاتی خوە دكر، پرانیا گرتەیێن ڤیدیویی یێن ڤی فلمەی راستینەو ل بەروكێن شەری هاتینە توماركرن ل دەمێ شەرێ پێشمەرگەی گەل چەكدارێن داعش".
basnews
