توم كروزی ئەستێرەی سینەمایی بەوە ناسراوە كە فیلمەكانی هەمووی سەركێشییە، بەڵام ئەو نەك تەنیا لە فیملەكانیدا، بەڵكو لە ژیانی ئاسایی خۆیشیدا حەز لە كار و دیمەنی سەركێشی دەكات، چونكە خۆی یەكێكە لەو ئەكتەرە دەگمەنانەی كە زۆربەی گرتە ترسناكەكانی خۆی ئەنجامی دەدات و پشت بە بەدەلکار نابەستێت بەتایبەت ئەو دیمەنانەی مەترسییان تێدایە. ترسناكترین دیمەنەكانی ئەوەیە كە لە دوایین بەشی زنجیرە فیلمەكانی (میشن ئەمپوسیبڵ) ئەنجامیدا، بریتی بوو لە لێخوڕینی هەلیكۆپتەر كە ئەمەش بەپێی قسەكانی كریس ماك كویریی دەرهێنەری فیلمەكە یەكەم جارە لە مێژووی هۆلیۆددا روودەدات.
بەر لە چەند رۆژێك توم كروز لە تۆڕی كۆمەڵایەتی تویتەر تویتێكی نووسیبوو لەگەڵ ڤیدیۆیەك كە ماوەكەی دوو خولەكە لە كاتی ئەنجامدانی مەشقەكانی لیخوڕینی هەلیكۆپتەر و ئەو تەكنۆلۆژیایەی بۆ ئەم مەبەستە بەكارهێنراوە، هەر لە ڤیدیۆكەدا مارك وولفی راهێنەر دەردەكەوێت لەو كاتەی كروز فێری بنەماكانی ئەو كارە دەكات كە پێویستی بە بەهرەیەكی زۆرە و بەپێی قسەكانی وولف ئەم كارە: ئەم كارەی كروز ئەنجامی دەدات، زۆر كەس باوەڕ ناكات بە هۆی ئەوەی زۆر زەحمەتە.
رێكخەری دیمەنە ترسناكەكان وید ئیستۆد دەڵێ: كروز پێداگری لەوە كردەوە كە پێویستە گشت دیمەنە ترسناكەكان بەشێوەیەكی سروشتی تۆمار بكرێن بەبێ پشتبەستن بە سكرینی سەوز، یان كۆمپیوتەر و كارتێكەرە تایبەتەكان، چونكە نایەوێ فێڵ لە بینەرانی خۆی بكات و دەیەوێ جەماوەر خۆی جیاوازی بكات لە نێوان دیمەنە راستەقینەكان و دەستكردەكان.
كروز بۆ ئەنجامدانی ئەم دیمەنانە و لێخوڕینی هەلیكۆپتەر بەشداری له چەند خولێكی مەشقی تایبەتی كرد كە زیاتر لە 2000 كاتژمێر فڕینی خایاند بەر لە ئەنجامدانی دیمەنە راستەقینەكە.