دەرهێنەرەكێ‌ كورد ب فلمێ‌ خوە یێ‌ نوو ب ناڤێ‌ (تۆرن) دێ‌ ل مەها بهێت یا ئادارێ‌ بەرەڤ ئەورۆپا چیت و ب فلمێ‌ خوە دێ‌ بەشداریێ‌ د فیستەڤالێن جیهانی دا كەت.

ئەمین خەلات، سەرپەرشتێ‌ هونەری یێ‌ دەرهێنەر نەوزاد شێخانی ل كوردستانێ‌، دیاركر، فیلمێ‌ سینەمایی یێ‌ ب ناڤێ‌ "تورن" ل دۆر دەردەسەریێن ب سەرێ‌ مللەتێ‌ ئیزدیان هاتین و هیڤیێن وان یێن بەرزە بگەهیننە هەموو جیهانێ‌ یە و گۆت: چار سالان كار د ڤی فلمی دا هاتیە كرن و ژ نوو ب دووماهی هاتیە و نها یێ‌ بەرهەڤە پشكداریێ‌ د فیستەڤالێن جیهانی دا بكەت.

ئاشكرا ژی كر كو ئەڤ فلمە بەرهەمێ‌ سالا 2018ێ‌ یە و وەكو داستانەكا ئێش و ئازارێن ئێزدیان هاتیە وێنەكرن و فلم مینا چیرۆكەكا درێژ كو هەمان ناڤێن مروڤایەتیێ‌ و ئەو گەلێن زۆلم لێ‌ كری گەفا ژناڤ چوونێ‌ هەلگرتی دیسان بەحسێ‌ دەردەسەریێن ئێزدیان دكەت ب درێژاهیا سالان كو مللەتەكە تووشی دەهان هەوێن قركرنێ‌ هاتینە.

خویاژی كر كو دناڤا ڤی فلمی دا سترانەك ژی هەیە كو ب دەنگێ‌ هونەرمەند خانم "خەولا موجاهد" هاتیە گۆتن و هەلبژارتنا وێ‌ ژ هزرا دەرهێنەر نوزدا شێخان بوو، چونكو گیانێ‌ لوراندنا سترانێ‌ یا ڤێ‌ هونەرمەندێ‌ جوداهیەك هەبوو ژبەر شەهرەزا بوونا وێ‌ یا ستران گوتنێ‌ و دیسان ب ناڤداریا وێ‌ و ب زمانێ‌ سترانێن ئینگلیزی كو هێز و شیانێن وێ‌ ب رێیا نامێن ئارام بگەهینتە مەزنترین تەخێن جڤاكی و رژدیا وێ‌ یا جوان و قەشەنگ بۆ جێ‌ بە جێ‌ كرنا ڤی كارێ‌ هونەری.

basnews