ماریا هەورامی، خانمە گۆرانیبێژی کورد، وێنەیەکی نوێی خۆی، لە پەیجی تایبەتیی خۆی، لە تۆڕی کۆمەڵایەتیی (ئینیستاگرام)دا بڵاو کردەوە و تێیدا نووسیویەتی: "نزیکەی یەك ساڵ و نیوە گۆرانی تازەم نەبووە، بە خۆشحاڵیەوە بەم زووانە ئەم بەرهەمەم بڵاو ئەکەمەوە".

ئەم خانمە گۆرانیبژە لەگەڵ بڵاو کردنەوەی وێنەکەی ئەوەشی نووسیوە: "ئەم گۆرانیەم بە قەد ڕۆحم خۆشمەوێت، چونکە ئەم گۆرانیەم جیاوازە لە کارەکانی پێشوم و زۆریش هیلاك بووم لەگەڵ ئەم بەرهەمەم دا، بە هیوام بەدڵی ئێوەی ئازیزم بێت، بە دڵ بوونتان هیلاکی و ماندوو بونم نامێنێت، سوپاس بۆ چاوەڕوانیتان".

ماریا یەکێکە لە خانمە گۆرانیبێژە بەناوبانگەکانی کورد، لەساڵی 1990 لەسلێمانی لەدایكبووە و پەیمانگای هونەرە جوانەكانی سلێمانی بەشی میوزیکی تەواو كردووە.

basnews