لە ئێستادا پاڵەوانی جیهانی فۆرمۆلا وەن (مایكل شوماخر) لە ماڵەكەی خۆیدا پشووی داوە و زۆر زانیاری و ووردەكاری زیاتری لەسەر نازاندرێ , بەڵام ئەوەی كە ڕۆژانە زیاتر بڵاو دەكرێتەوە ئەوەیە كە باری تەندرووستی ناجێگیرە تا ئەمڕۆ .

(مایكل شوماخر) لە 29 ی دێسەمبەری 2013 بە هۆی ڕووداوی خلسكانی سەر بەفرەوە بەردەبێتەوە و سەری بەر تاشە بەردێكی گەورە دەكەوێت , بەم هۆیەوە تا ماوەیەك لە سەر هۆشی خۆی نامێنێت و پزیشكان بەردەوام هەوڵی زیاتری بۆ دەدەن چەند نەشتەرگەریەكیشی بۆ ئەنجام دەدەن .

بێدەنگی و دوور كەوتنەوەی شوماخەر زۆر جار گومانێك درووست دەكات , بەڵام ئەو لە ئێستادا لە ژیاندا ماوە و لە خانوویەكدایە لەگەڵ خانەوادەكەی لە سەر دەریاچەی (لیمان) لە سویسرا .

دەڵێن كە خانەوادەكەی 12 ملیۆن یۆرۆیان خەرجكردووە تا بتوانن ئەو خانووە بكەن بە هاوشێوەی نەخۆشخانەیەك بۆ شوماخەر ئەمەش بۆ زیاتر پشوودانی لەوێدا , وە بە بەردەوامی 15 پسپۆر لەو خانووەدان و هاوشێوەی نەخۆشخانەكان شوێن گۆركێ دەكەن كە پێك هاتوون لە تیمێكی تایبەت لە پزیشك و پەرستیار و پزیشكی چارەسەری سرووشتی تاكو ڕۆژانە ئاكاداری باری تەندروستی بن , وە تێچوونی چارەسەری و دەرمانەكانی زۆر گرانە كە نزیكەی 125 هەزار یۆرۆیە لە یەك هەفتەدا .