لەم چەند ڕۆژەی ڕابردوو (بۆب گیڤنس) دیزاینەر و وێنەكێشی فیلمی كارتۆنیی Bugs Bunny كۆچی دوایی كرد .
(بۆب گیڤنس) لە دوای ساڵانێكی زۆر لە كاری وێنەكێشان و درووست كردنی فیلمی كارتۆنی , لە تەمەنی 99 ساڵیدا كۆچی دوایی كرد , مارینا كە دەكاتە كچی ئەم هونەرمەندە لە تۆڕی كۆمەڵایەتی فەیسبووك ڕایگەیاند كە ئەو لە یەكێك لە نەخۆشخانەكانی ویلایەتی كالیفۆرنیا كۆچی دوایی كرد .

(بۆب گیڤنیس) لە ئاداری ساڵی 1918 لە ئەمریكا لە دایك بووە , لە تەمەنێكی زۆر بچووكدا ساڵی 1930 سەرەتای كاری هونەری خۆی ئەنجامدا بە فیلمی كارتۆنی (Snow White and the Seven Dwarves) , وە ساڵی 1940 كە ئەو كات تەمەنی بچووكتر لە 22 ساڵ بوو توانی Bugs Bunny بەرهەم بهێنێت , جگە لەم كارانەی لە زۆرێك لە فیلمی كارتۆنی دیزاینی كردووە وەكGarfield And Friends و Hanna-Barbera و Tom and Jerry و چەندینی تر .

بۆب گیڤنس توانی لە زۆرێك لە ستۆدیۆكانی تایبەت بە فیلمی كارتۆنی مۆرپەنجەی خۆی بەجێبهێڵێت , وەك disney و warner bros و cartoon و چەندینی تر.