دوای بیست ساڵ لە كاری سینەمایی (تایتانیك) جێمس كامیرۆنی براوەی سێ خەڵاتی ئۆسكار ڕایگەیاند كە دیسانەوە لەگەڵ (كەیت وینسلت) دەچێتەوە ناو دەریا .

جێمس كامیرۆنی ئەستێرە و دەرهێنەری هۆلیود , لە دوا دەركەوتنێكیدا ڕایگەیاند كە لە بەشی دووەمی فیلمی (ئەڤەتار) (كەیت وینسلت) دێتە ناو ئەم كارە سینەماییەوە , ئەویش بە شێوەیەك كە ڕۆڵەكەی لە نواندنی لەم فیلمە سینەماییە كەیت دەباتە نێو جیهانی دەریاییەوە .
كامیرۆن ڕاشیگەیاند , ئەو خۆی داوای لێ كردم كە خۆی بە ڕاستەوخۆ هەموو كاری نواندنەكە بكات , ئەمەش كارێكی قورسە , چونكە ئەكتەرەكە دەبێت نزیكەی تاكو سێ بۆ چوار خولەك بتوانێت لە ژێر ئاودا بمێنێتەوە .

ئەم دەرهێنەرە بەوە بەناوبانگە كە كاری ئەفسوناوی و مرۆڤایەتی دەخاتە ناو یەك چوارچێوەوە , وا بڕیارە فیلمی (Avatar 2) لە ساڵی 2020 نمایش دەكرێت .