كچە نمایشكار و ئەكتەری ناسراوی بریتانی كاتی پرایس رایگەیاند كە هەوڵ دەدات بە هەموو شێوەیەك دایكی لەونەخۆشییە كوشندەیە رزگار بكات كە تووشی بووە تەنانەت ئەگەر پێویست بوو ئامادەیە ئەندامەكانی لەشیشی ببەخشێت بەتایبەتی گورچیلەی.
پێش مانگێك كاتی رایگەیاند كە دایكی تووشی نەخۆشی پوكانەوەی گورچیلە بوووە و نەخۆشییەكەشی زۆر قورسە و زۆر بە زەحمەت دەتوانێت هەناسە بكێشێت تەنانەت مەترسی لەسەر ژیانی هەیە و گۆڕینی گورچیلەش یەكێكە لە چارەسەرییەكان، پرایس لەو بارەوە زیاتر وتی : ئێستا بە جددی بیر لە بەخشینی یەكێك لە گورچیلەكانم دەكەمەوە بۆ دایكم كە پێویستییەكی زۆری پێی هەیە، بەڵام دڵنیا نیم لەوەی كە نەشتەرگەرییەكەی دایكی بە بەخشینی گورچیلەكەی سەركەوتوو دەبێت و لە مردن رزگاری دەبێت یان نە.
لەم حاڵەتەدا پێویستە گورچیلەیەكەی فڕێ بدرێت و یەكێكی دیكەی بۆ بچینرێت و زۆر جار ئەو گورچیلەیە لە كەسانی مردوو وەردەگیرێت پێش ئەوەی ئەوەی تێك بچێت، بەڵام هەندێك كەسانی زیندووش گورچیلەی خۆیان دەبەخشن، هەرچەندە نەشتەرگەرییەكە زۆر سەختە و ئەگەری ئەوەی هەیە نەخۆشەكە تەنیا ماوەی دوو تا سێ ساڵی دیكە بژیت.