زۆر لە ئەكتەرە جیهانییەكان لە دایكایەتی بێبەشن، هەندێكیان پێیانوایە تەمەن رێگرە و ئیدی فریای شەمەندەفەرەكە ناكەون و لێی بەجێماون، هەندێكی دیكەشیان كە دەتوانن شەمەندەفەرەكە بكەون، بەڵام حەز لە ژیانێكی ئازاد و بێ لە بەرپرسیارییەتی دەكەن، لە هەردوو حاڵەتیشدا بێبەش بوون لە دایكایەتی و پەشیمانیش نین.
ئۆپێرا وینڤری كە تا ئێستا شووی نەكردووە هەرچەندە لە پەیوەندییەكی بەردەوامدایە لەگەڵ بێزنسمانێك لە ساڵی 1986ەوە، بەڵام رایگەیاندووە كە پەشیمان نییە لەوەی كە تا ئێستا دایك نەبووە، چونكە ناتوانێت كاتی خۆی لە نێوان كاروباری خێزانی و كاری راگەیاندن رێك بخات و پێی وایە ئەگەر منداڵی هەبێت رقیان لێی دەبێتەوە.
هەروەها كامیرۆن دیازی ئەستێرەی سینەمایی كە تەمەنی 40 ساڵی تێپەڕاندووە پێشتر سەبارەت بە دایكایەتی دەیگوت: من هیچ كاتێك نیازم نەبووە منداڵم هەبێت و بیرم لەوە نەكردۆتەوە كە خۆم بە دایك ببینم، پێموایە ئافرەت لە تەمەنی 40 ساڵی بە تەواوی پێدەگات بە جۆرێك كە گرنگی بە رای پیاوان نادەن، كامیرۆن زیاتر دەڵێ: دایكایەتی بەرپرسیاریەتییەكی زۆر زەحمەتە بەتایبەتی ئەگەر لە تەمەنی 18 ساڵیدا بی، بۆ من نەبوونی منداڵ ژیان ئاسان دەكات و هیچ كاتێك نەمویستووە كە ببم بە دایك، بەڵام دوور نییە ببم بە دایك، لەلایەكی دیكەوە جنێڤەر ئەنیستۆن كە ئەویش منداڵی نییە دەڵێ: بیرم لە دایكایەتی كردۆتەوە، بەڵام هونەر ئەو دەرفەتەی پێنەدام و لەو خەونەی دوورخستمەوە و ئێستاش بە تەواوی بیری لێدەكەمەوە و دوور نییە هەوڵیشی بۆ بدەم.