ئەستێرەی بۆلیود (پریانكا شوبرا) دوای ئەوەی لە فیستیڤاڵی تورنتۆی سینەمایی نێودەوڵەتی بۆ ساڵی 2017 ئامادە دەبێت , هەرلەو گەشتەیەوە چووە وڵاتی ئوردن , لە سەرەتادا وێنەیەكی خۆی بڵاو دەكاتەوە كاتێك كە دەچێتە ناو فرۆكەوە , بەڵام ئاراستەی گەشتەكەی بڵاوناكاتەوە تا ئەو كاتەی كە لە پەیجی ئەنستگرام چەند وێنەیەكی تر دادەبەزێنێت , بریانكا بۆ كاری هونەری و فیستیڤاڵ نەچووە وڵاتی ئوردن بەڵكو وەكو نوێنەری نیاز پاكی لە یونسێف دەست دەكاتەوە بە كار و چالاكییەكانی .

وەك ئاشكرایە وڵاتی ئوردن هاوشێوەی كوردستان ژمارەیەكی زۆری پەنابەری سووریا ڕووی لێ كردووە , مەبەست لەم گەشتەی پریانكا بۆ كەمكردنەوەی قورسایی ڕێكخراوی یونسێف لەو وڵاتە , بڵاو بوونەوەی وێنەكانی لە كەمپەكان دەگەڕێتەوە بۆ ئەوەی كە بریانكا دەیەوێت پەیامێك بگەیەنێت بە خۆشەویست و دۆستانی لە هەموو جیهان , وە ئەوەشی ڕاگەیاند كە منداڵانی ئەو كەمپانە بە ڕاستی پێویستیان بە هاوكاری هەیە وە دەبێت بە دڵێكی گەورەوە هەموومان بە یەك دەنگ و یەك مەبەست هاوكاریان بین , با بە منداڵانی ڕزگاربوو بڵێین هێشتا ژیان بەردەوامە و هاوكاری هەنگاوەكانیان بین , هەرچیەك لە دەوروبەرمان ڕووبدات لە جیهان رووبدات , دەبێت ئێمە هەر هیوا و خۆشەویستی خۆمان بۆ كەسانی بەرامبەر دەربڕین و هەریەكە و بە پێی بوار و توانایەوە هاوكار بێت .