وەك ئاشكرایە لە هۆلیود كە تێچونێكی زۆر بۆ فیلمێك دەكرێت بە مانای ئەوە دێت كە ووردەكاری بۆ هەموو شتێك كراوە , وە بە دووری مەزانن كە بۆ دیمەنێكی بچووك ڕاوێژ بە پزیشك و ئەندازیار و.... كەسێكی شارەزا و پسپۆر لەو بوارەدا بكرێت تا دیمەنەكان و جولەی ئەكتەرەكە لەگەڵ ڕاستییەكان بگونجێت .

ئەمجارە چیرۆكەكە دەگەڕێتەوە بۆ ڕووداوە ڕاستەقینەكەی جەیكۆب ئۆكۆنۆری تەمەن 10 ساڵ كە توانی برایەكەی كە تەمەنی لە سەرووی دوو ساڵیەوە بوو ڕزگار بكات , ئەمەش دەگەڕێتەوە بۆ ئەوەی كە دیمەنێكی فیلمی دوین جۆنسونی بیر هاتەوە كاتێك كە چۆن لە فیلمی San Andreas كچەكەی خۆی لە لافاو ڕزگار دەكات , جەیكۆبیش بە هەمان شێوە توانی برایەكەی لە ناو ئاوەكە دەربهێنێت و لە هەوڵی لێدانەوەی دڵی سەركەوتوو بێت .هەروەكو چۆن لە واشنتن پۆست بڵاو كرایەوە .

لە سایتی ET بڵاوكرایەوە , كە دوین جۆنسنیش بۆ جەیكۆب گەشتێكی كردە خەڵات , كە لە شاری ڤانكۆڤەر لە كەنەدا لە شوێنی وێنەگرتنی فیلمە نوێیەكەی لە ژێر ناوی Skyscraper ئامادەبێت.
دوای ئەوەی كە چاویان بە یەكتر دەكەوێت دوین ووتی نەمتوانی تەنها سڵاوێكی لێ بكەم , سەرەڕای هەموو ئەوەی كە بە هۆی وێنە گرتنەكەوە گیانم خوێن دایپۆشیبوو باوەشێكم پێدا كرد وە ئەویش زیاتر پێی خۆش بوو و دەستی لە ملم كرد وەك ئەوەی بڵێی زۆر سوپاسم بكات وە ئەوە شتێكی گەورە بوو لە شوێنی كارەكە .