حه‌سنا مه‌ته‌ر بۆ جه‌ژنی قوربان له هه‌ولێر بوو
هه‌ر له‌و ئاهه‌نگه كه له هوتێل كریستالی شاری هه‌ولێر به‌رێوه‌چوو، حه‌سنا مه‌ته‌ر به یارمه‌تی مایسترۆ سینان ئه‌لشێخ و تیپی مۆسیقاكه‌ی چه‌ندین گۆرانی به زمانه‌كانی كوردی و عه‌ره‌بی چڕی، له‌گه‌ڵ چه‌ند گۆرانییه‌كی هه‌ڵپه‌ڕكێ.
له‌و ئاهه‌نگه‌دا حه‌سنا مه‌ته‌ر به شێوازێكی جوان و رێكپۆش ده‌ركه‌وتبوو، كه دیزاینه‌ری جلوبه‌رگی له‌لایه‌ن جان بیار لحود ئاماده‌كرابوو.
حه‌سنا مه‌ته‌ر له لێدوانێكی تایبه‌ت رایگه‌یاند، كه له ئێستادا خه‌ریكی سروودێكی نوێیه بۆ كوردستان و هیواداره كه له رۆژانی ئه‌نجامدانی ریفراندۆم ته‌واو ببێت و بڵاوبكرێته‌وه.
