ژمارەیەك رۆژنامەنووسی توركی چەند وێنەیەكی خانمە ئەكتەری توركی سیرینا ساریكایایان بڵاوكردەوە لە كاتی وەستانی لە خاڵێكی پشكنینی پۆلیس لە ناوچەی كورك تشیشمی كە بە هۆی چەند رووداوێكەوە رێوشوێنی ئەمنی توند گیرا بووە بەر و چەندین خاڵی پشكنین وهێزە ئەمنییەكانی توركیا لەو ناوچەیە دانرا بوو.
ئەوەی مایەی سەرنجی رۆژنامەنووسانی بۆ لای خۆی راكێشا ئەوە بوو كاتێك پۆلیسەكان سەیری ناو ئۆتۆمبیلەكەیان كرد و زانییان ئەوەی لە دواوەی ئۆتۆمبیلەكە دانیشتووە، بێ ئەوەی پرسیاری ناو و ناسنامەی لێ بكەن رێگایان پێیدا بڕوات، ئەم كارە پۆلیسی خستە بارێكی ناخۆشەوە بەرامبەر بە رای گشتی و رەخنەیەكی زۆریشیان لە دەزگای پۆلیس گرت بەتایبەتی دوای ئەوەی چەندین ماڵپەڕ وێنەكانیان بڵاو كردەوە و رایانگەیاند كە جوانی سیرینا بۆتە هۆی ئەوەی پۆلیس جیاوازی بكەن لە نێوان ئەكتەر و كەسانی بكەن بێ ئەوەی گوێ بدەنە ئاسایشی وڵات. تا ئێستا سیرینا هیچ روونكردنەوەیەكی بەرامبەر بەم رووداوە بڵاو نەكردۆتەوە، بەڵام بەشێك لەو تۆڕە كۆمەڵایەتی و ماڵپەڕانە رەخنەیان لە سیرینا و پۆلیس گرت و باسیان لەو كردووە پێویستە سیرینا خۆی بەم كارەی رازی نەبووایە و خۆی بە پۆلیس ناساندبا وەك هەر هاووڵاتییەكی توركیا، چونكە توركیا ئێستا بە بارودۆخێكی سەختدا دەڕوات و پێویستی بە هەماهەنگی و هاوكاریی هەموو هاووڵاتیانی توركیا هەیە.