دەرهێنەر و بەرهەمهێنەری ناسراوی هیندی راجكۆمار سانتۆشی رایگەیاند كە هەر یەكە لە ئەستێرەی بۆڵیۆد سەلمان خان و عامر خان ناتوانن بە هیچ شێوەیەك لە یەك كاتدا بەشداری لە هیچ فیلم و كارێكی هونەریدا بەشداری بكەن.
ئەم لێدوانەی رانجكۆمار دوای ئەوە هات كە بڕیار وا بوو ئەم دوو ئەستێرەیە بەشداری لە فیلمی (Andaz Apna Apna)دا بكەن، بەڵام رایگەیاند كە فیلمەكە دوو كەسایەتی بچووكتری پێویستە بۆ ئەوەی رۆڵی سەرەكی تێدا ببینن، هەرچەندە پێشتر بەشدارییان لە زۆر كاری هونەریدا كردووە و سەركەوتنی زۆریشیان بەدەستهێناوە بە هۆی ژمارەی زۆری جەماوەری هەردووكیان.
لە لایەكی دیكەوە سەلمان خان و كاترینا كییف سەرقاڵی وێنەگرتنی دوایین فیلمیانن بە ناوی (tiger zinda hai) لە شاری سویرەی وڵاتی مەغریب، ئەم فیلمە تەواوكەری پرۆژەیەكی سینەمایی پێشووتری سەلمان خانە كە لە ساڵی 2012 دەستی پێكردووە، هەروەها دوای پێنج ساڵ دابڕان و دووركەوتنەوە دیسان كاترینا و سەلمان خان بەشداری لە كارێكی هاوبەشدا دەكەن.
شایەنی باسە دوای هۆڵیۆد ئێستا بەشێكی زۆری دەرهێنەر و بەرهەمهێنەرانی بۆڵیۆدیش روو لە وڵاتی مەغریب دەكەن بۆ تۆمار كردنی نوێترین فیلمەكانیان، بەهۆی هەڵكەوتەی جوگرافی و گونجاوی شارەكانی مەغریب بۆ تۆمار كردنی فیلم.