بەشێك لە ئەستێرە جیهانییەكان بۆ ئەوەی خۆشەویستی جەماوەریان زیاتر بێت و لە دەست نەدەن، هەوڵ دەدەن لە بۆنە رەسمییەكانی وڵاتاندا بەشێوازی جۆراوجۆر بەشداری بكەن وەك ئامادەبوون لە ئاهەنگەكانی رۆژی سەربەخۆیی وڵاتان و فیستیڤاڵە هونەرییەكان، تەنانەت هەندێك جار بەشداری لە بۆنە تایبەتییەكانیش دەكەن وەك لە دایكبوونی سەرۆك و كەسایەتییە سیاسییە ناسراوەكانی وڵاتان.
هەرچەندە هەرێمی تبت تا ئێستا وڵاتێكی سەربەخۆ نییە و لە چوارچێوەی سنووری سیاسی وڵاتی چیندایە و خەڵكی تبت لە خەبات بەردەوامن بۆ بەدەستهێنانی سەربەخۆیی هەرێمەكەیان، بەڵام خانمە ئەكتەری ناسراوی بۆڵیۆد كاترینا كایف لە 82یەمین ساڵیادی لە دایكبوونی دالای لایمای چواردەهەم سەركردەی ئایینی بوزییەكانی تبت بەم بۆنەیە پیرۆزبایی لێكرد.
پاڵەوانی (جاگا جاسۆس) لە ئەكاوەنتی تایبەتی خۆی لە تۆڕی كۆمەڵایەتی ئەنستگرام پیرۆزباییەكی ئاراستەی دالای لاما كرد لەگەڵ وێنەیەكی تایبەتی خۆیان كاتێك لە گەشتێكدا بە یەكەوە بوون لە فڕۆكەدا و كاترینا داوای دەكات دالای لاما نزای سەركەوتنی بۆ بكات.
شایەنی باسە بەم دواییە كاترینا ئامادەی یەكەم نمایشی دوایین فیلمی بوو كە بە ناوی (جاگا جاسوس)ە لەگەڵ ئەستێرەی لاوی بۆڵیۆد رانبیر كاپور.