ژمارەیەك رۆژنامە و گۆڤارێكی ئوسترالی چەند پروپاگەندەیەكیان دژی ریبیل ویلسۆنی خانمە ئەكتەری ناسراوی ئوسترالی بڵاوكردبۆوە و بە درۆزن وەسفیان كردبوو ئەمەش وایكرد كە ریبیل لە رێگای پارێزەرەكانییەوە لە دادگا سكاڵایان دژی تۆمار بكات و بە ناوزڕاندن تۆمەتباریان بكات.
لە میانەی دانیشتنەكانی دادگادا كە زیاتر لە دوو مانگی خایاند ریبیلی تەمەن 37 ساڵ توانی نادروستی ئەو قسانە بسەلمێنێت كە هەریەكە لە گۆڤارەكانی (woman’s day و ok) بڵاویان كردبۆوە و بە چەند وتارێك هێرشیان كردبووە سەری ئەمەش وایكرد كە دادگای ڤیكتۆریای سەروو لە بەرژەوەندی ریبیل بڕیاریدا و بەمەش هەردوو گۆڤارەكە ناچارن قەرەبووی بكەنەوە.
بەپێی چەند سەرچاوەیەكی نزیك لە دادگای ناوبراو، ریبیل بڕی 250 ملیۆن دۆلار وەك قەرەبوو لە هەردوو گۆڤاری ناوبراو وەردەگرێت بە هۆی ئەو زیانە ماددی و دەرووونی و مەعنەوییەی كە لە ئەنجامی بڵاوكردنەوەی ئەو وتار و دیمانانە بەری كەوتوون و بە درۆزن وەسفیان كردبوو.