بە بۆنەی هاتنی مانگی رەمەزانی پیرۆزەوە، هۆتێل ڤان رۆیال لە هەولێر شەوانە ئاهەنگی زۆرخۆش لە ژێر ناوی خیوەتگەی هەزار شەو و شەوێك سازدەكات، ئاهەنگەكانیش چەندین هونەرمەندی بەناوبانگ و تیپی مۆسیقای بەناوبانگ بەڕێوەی دەبەن.
بۆنەكەش لەگەڵ یەكەم رۆژی مانگی رەمەزان دەستیپێكرد بە ئامادەبوونی ژمارەیەكی زۆر لە میوانان، لە دەسپێكی كردنەوەی شەوە ئاهەنگەكاندا هونەرمەند عەمار كوفی و تیپی چالغی بەغدایی ئاهەنگێكی زۆر خۆشیان سازكرد و ئامادەبووانیان بە چەندین گۆرانیی فۆلكلۆری و نوێ دڵخۆشكرد. هەروەها ژمارەیەكی زۆر لە دەزگاكانی راگەیاندنی جۆراوجۆر ئامادەی ئاهەنگەكە بوون.
هەریەك لە شەهرەیار و شەهرەزاد-یش كەشێكی زۆر خۆشیان بە ئاهەنگەكە بەخشی لە رێگەی پرسیاركردن لە ئامادەبووان ‌و دابەشكردنی خەڵاتی بە نرخ بەسەر براوەكان.
شەوانە ژمارەیەكی زۆر لە هاووڵاتییانی هەولێر و پارێزگاكانی دیكەی عێراق ئامادەی خیوەتگەكە دەبن و كاتێكی زۆر خۆش لەگەڵ گۆرانییەكان و پێشبڕكێكان و سوپرایزەكانی شەوانە لە دیارییە پێشكەشكراوەكان بەسەر دەبەن.
خیوەتگەی هەرزار شەو و شەوێك بە درێژایی مانگی رەمەزانی پیرۆز بەردەوام دەبێت.
لەلایەن خۆیەوە خاتوو لارا كەبوت، بەڕێوەبەری پێشخستنی كارگێڕی لە هۆتێل ڤان رۆیال رایگەیاند: "ئاهەنكەكان شەوانە بەرنامەی جۆراوجۆر و بۆفێی كراوە لە سەرجەم خواردنە رۆژهەڵاتی و رۆژئاواییەكان و خواردنەوە لە خۆ دەگرێت، سەرباری شیرینیی رۆژهەڵاتی ‌و رۆژئاوایی لەگەڵ پرۆگرامی شەوانی رەمەزان لە پێشبڕكێ ‌و یاریی كەرەمستانێ و مەتەڵ و پرسیار كە تیایدا دیاریی بە نرخ لە مۆبایلی زیرەك كە لەلایەن كۆمپانیای كلارمن فۆن پێشكەش دەكرێت ئەمە جگە لە چەندین سوپرایزی بە نرخ".
لارا كەبوت، ئەوەشی راگەیاند:"پێشوازیكردن ‌و بەدەنگەوەهاتنی میوانان بۆ ئامادەبوون لە شەوە ئاهەنگەكان رۆژ لە دوای رۆژ لە زیادبووندایە، بیرۆكەیەكی نوێیە لە كوردستان بە ئاهەنگێڕان بە رەمەزان بەوشێوەیەی كە ڤان رۆیال پێشكەش بە میوانە بەڕێزەكانی دەكات و میوانەكان كاتێكی خۆش لەگەڵ ئێمەدا بەسەر دەبەن و شەوە ئاهەنگەكانیش لە كەناڵی ئاسمانیی سامەرا دەگوازرێًتەوە و جێگەی رەزامەندی و خۆشحاڵیی هەمووانە".
سەبارەت بە بەردەوامیی شەوانی خیوەتگەی هەزار شەو و شەوێك بە درێژایی مانگی رەمەزان، كەبوت، گووتی: "پرۆگرام و شەوانی رەمەزان بە درێژایی مانگی رەمەزانی پیرۆز بەردەوام دەبێت و چەندین پرۆگرامی دیكە لەلایەن هۆتێل ڤان رۆیال بە درێژایی ئەمساڵ رێكدەخرێت".
شایەنی باسە چالاكییەكانی خیوەتگەی هەزار شەو و شەوێك بە درێژایی مانگی رەمەزان نمایشێكی تازەیە و بۆ یەكەمجارە لە هەرێمی كوردستان نمایش دەكرێت سەرباری 18 گۆرانی بێژ و تیپی عێراقی و وڵاتانی عەرەبی كە شەوانە ئاهەنگەكە ساز دەكەن لەگەڵ یاری ‌و سوپرایز و دیاریی بە نرخ و گێڕانەوەی چیرۆكێك لە چیرۆكەكانی هەزار شەو و شەوێك كە لەلایەن شەهرەزاد و شەهرەیار دەگێڕدرێنەوە.