بڕیار وایە خانمە ئەستێرەی توركی ئالتشین سانجۆ پاڵەوانی زنجیرە درامای (خۆشەویستی بۆ كرێ) بچێتە بەردەم دادگا دوای ئەوەی باشای ئۆقایی بەڕێوەبەری كارەكانی سكاڵایەكی یاسایی لەسەر تۆمار كردو بە هەڵوەشاندنەوەی گرێبەستێكی نێوانیان تۆمەتباری دەكات بێ ئەوەی پێشتر پێی رابگەیەنێت.
باشای لە داواكەیدا دژی سۆنجای بەوە تۆمەتباری دەكات كە بێ ئەوەی ئاگاداری بكاتەوە یەكلایەنانە گرێبەستی نێوانیانی هەڵوەشاندۆتەوە و گرێبەستی لەگەڵ كەسێكی دیكە واژۆ كردووە وەك بەڕێوەبەری كارەكانی ئەمەش زیانی ماددی و مەعنەوی زۆری پێگەیاندووە، بۆیە لە سكاڵاكەیدا داوای بڕی (100) هەزار دۆلاری ئەمریكی دەكات وەك قەرەبووی ئەو زیانانە.
لەلایەن خۆیەوە سانجای ئامادە نەبوو هۆكاری هەڵوەشاندنەوەی گرێبەستەكەی لەگەڵ باشای ئاشكرا بكات و دەربارەی سكاڵا و تۆمەتبار كردنیشی وتی: بێگومان كارێكی ئاساییە كە باشای بەرگری لە خۆی بكات.
شایەنی باسە بەشی یەكەمی زنجیرە درامای (خۆشەویستی بۆ كرێ) ئێستا نمایش دەكرێت و هەر یەكە لە سانجای و باریش ئەردۆتش رۆڵی پاڵەوانی تێدا دەبینن