زۆر لە هونەرمەندان سەرسامن بە كەلتوور و دابونەریتی گەلانی دیكە، بۆیە لە زۆربەی بۆنە و یادەكان جلوبەرگی ئەو میللەت و وڵاتانە دەپۆشن كە خۆشیان دەوێن، تەنانەت گەیشتە ئەو رادەیەی ەەندێك لەو هونەرمەندانە بەوە ناسراون كە خۆشەویستییان بۆ میللەتێكی دیاریكراو بێ سنوورە.
نۆرگول یەشیلجای خانمە ئەكتەری ناوداری توركی لە یەكێك لە بۆنە تایبەتەكان بە لۆكێكی ژاپۆنی سەرنجڕاكێش و جوان دەركەوت، ئەمەش وای لێكرد هەوادارانی وێنەكە لە تۆڕە كۆمەڵایەتییەكان بەشێوەیەكی بەرچاو بڵاوی بكەنەوە لەهەمان كاتدا خۆشحاڵی خۆیان بەم هەنگاوە دەربڕی، دوای بڵاوبوونەوەی وێنەكان هەندێك لە هەوادارانی پێیانوابوو ئەم وێنەیە تایبەتە بە وێنەگرتنی دیمەنێكی دیاریكراوی كارێكی هونەری، بەڵام ئەوەی زیاتر سەرنجی راكێشان جوانیی جلوبەرگە و ئەو بڕە زۆرەی مكیاژە بوو كە بەكاری هێنابوو.