هەفتەیەك دوای ئەوەی لە رۆژی هەینی 21ی تشرینی یەكەمی 2016،تیرۆریستانی داعش، هێرشێكی نەزۆكیان بۆ شاری كەركوك هێنا و هێرشەكەیان تێكشا، هونەرمەندێكی فارس، زوهره عیشقی بۆ كاری كلیپەكەی رووی لە شاری كەركوك و قەڵای دێرینی ئەو شارە كرد. بەپێی لێدوانەكەی زوهره عیشقی بۆیە شاری كەركوكی هەڵبژاردوە، چونكە هونەر دژی هەموو خوێنڕشتن و توندوتیژییەكە و پەیامی ئاشتی بڵاودەكاتەوە بە پێچەوانەی ئەو تیرۆریستانە كە تەنیا پەیامهێنەری مەرگ و وێرانكارین.
كلیپەكە ناوی هیجرانە و پێشتر لە شاری سنەی رۆژهەڵاتی كوردستان تۆمار كراوە. گۆرانییەكە، گۆرانییەكی كۆنی خاتوونی هونەرمەند فەتانە وەلیدییە، كە ئەم هونەرمەندە فارسە نوێ كردۆتەوە و هەر لە شاری سنە شوێنی نیشتەجێبوونی فەتانەی وەلیدی تۆماری كردووە. گۆرانییەكە لەلایەن فەرشید حیسامی كاری دابەشكردنی ئاواز و ژەنینی سەنتوری بۆ كراوە و هەروەها ئەو هونەرمەندانەی كە بەشداربوون بریتین لە سێ تار: عێرفان میرانی، كەمانچە: حەبیبوڵڵا محەمەدی، كەمان و چەلۆ: بەهرۆز ئاشناگەر، تونبەك و بندیر: ئەفشین خەرامانپور و كاری دەنگ و میكسیش، ستۆدیۆ هارمۆنی.
هەروەها كلیپی هیجران لەسەر قەڵای كەركوك لەلایەن هونەرمەند بڕوا تەها تەیفور كاری دەرهێنانی بۆ كراوە و لهلایهن ئیمان فهرمان و دانهر هاوار كارى وێنهگرتنى بۆ كراوه و محهمهد سهفار كارى مۆنتاژ و هونهر دیلۆن وهك بهڕێوهبهرى بهرههم كاریان بۆ كردووه، نهجات بهگزاده و شێروان سیروان كارى ڕووناكى كلیپیان بۆ كردووه و سهید محهمهد كارى فۆتۆى ئهنجام داوه.
بە پێی لێداونی زوهره عیشقی بەمزانە كلیپی هیجران دەكەوێتە بەر دیدەی بینەران.