لە هەڵبژاردنەكانی سەرۆكایەتی كۆماری وڵاتی لوبنان كچە نمایشكار میریام كلینك خۆی كاندید كردبوو، بەڵام لیژنەی هەڵبژاردنەكانی ناویان سڕییەوە و رێگایان پێنەدا خۆی بپاڵێوێ، بێ ئەوەی هۆكاری سڕینەوەی ناوی دیاری بكەن، ئەمەش بووە مایەی تووڕە بوونی میریام.
بەم دواییە لە تۆڕە كۆمەڵایەتییەكان میریام رایگەیاند كە بێ ئەوەی هۆكارێكی دیاریكراو هەبێت، ناویان سڕیوەتەوە و نووسیویەتی: لەبەر ئەوەی بەبێ هۆكار ناوی منیان سڕیوەتەوە، بۆیە داوای قەرەبووكردنەوە دەكەم بە پێدانی وەزارەتێك لە حكومەتی لوبنان، میریام خۆی بە شایەنی ئەو وەزارەتە دەزانێت و پێیوایە دەتوانێت زۆر سەركەوتووانە هەر پۆستێكی وەزاری بەڕێوەبەرێت ئەگەر پێی بسپێردرێت و دڵنیایە كە رێژەیەكی زۆری لوبنانییەكان لەم كارەدا پشتگیریی دەكەن.
لەلایەكی دیكەوە میریام توڕەیی خۆی دەربڕی كاتێك عادل كەرەمی هونەرمەند و پێشكەشكاری بەرنامەی (هیدا حكی) بە گاڵتەجاڕییەوە باسی كردبوو و لەم بارەیەوە وتی: من دژی ئەو جۆرە بەرنامانە نیم، بەڵام ناكرێ بەشێوەیەك بێت كە كەسانی دیكە بەبێ هۆ بریندار بكات و لە ئاستیان كەم بكاتەوە.