خانمە ئەكتەر و گۆرانیبێژی ناسراوی باكووری كوردستان هۆلیا ئەڤشار بڕیاری خانووەكەی بە كرێ بدات بە هۆی ئەوەی كە گەورەیەو ئەویش حەز ناكات چیتر بە تەنیا لەو خانووەدا ژیان بەسەر بەرێت.
خانووەكەی هۆلیا رووبەرەكەی 750 مەتری چوارگۆشەیەو لە چوار نهۆم و 8 ژووری خەوت پێكهاتووە، و كرێیەكەی مانگانە 50 هەزار لیرەی توركییەو لە بەرامبەردا هۆلیا بڕیاریداوە لە خانووەكی دیكەی بچووكدا بژیت لە ناوچەی ترابیا لە ئەستەنبول.
شایەنی باسە هۆلیا ئەڤشار كە ساڵی 1983 توانی نازناوی شاجوانی توركیا بەدەست بهێنێت، دوایین كاری هونەریی بریتی بوو لە بەشی یەكەمی زنجیرە درامای (كۆسیم) و تێیدا رۆڵی سوڵتانە سەفییەی بینی لە پاڵ بیرین ساتی ئەستێرەی ناسراوی توركیا.