بەر لە ماوەیەك خانمە ئەكتەری ئەمریكی لیندسی لۆهان بە یاوەری گریگۆری تاراباسۆڤی دەستگیرانی روویان دوورگەی میكۆنۆسی یۆنانی كرد بە ئامانجی بەسەر بردنی چەند ساتێكی خۆش بەبۆنەی ساڵیادی لە دایكبوونی لۆهانەوە، بەڵام لە جیاتی خۆشی ساتەكانی بوون بە شین.
لەم بارەیەوە چەند سەرچاوەیەكی نزیك لە لۆهان رایانگەیاند گریگۆری زۆر بە توندی و بە شێوەیەكی دڕندانە لە لۆهانی دابوو و ئاسەوارەكانی لێدانەكەش بە سیمایەوە بە ئاشكرا دیار بوون، لەم بارەیەوە لیندسی رایگەیاند كە پێشتر چەندین جار گریگۆری توندوتیژی دژی بەكارهێناوە و لە جیاتی ئەوەی كاتێكی خۆش بەسەر بەرین و بیر لە پەروەردە كردنی منداڵەكانمان بكەینەوە لە داهاتوودا، ئەمە گۆڕا بۆ توندوتیژی و لێدان و پەیوەندییەكی خێزانی ناسەقامگیر و هەرەشە لێكراو كە ئەستەمە خۆشەویستی بە تەنیا بتوانێت رزگاری بكات.
جگە لەوە وێنەگران چەندین وێنەی ڤیدیۆیی لۆهان و دەستگیرانەكەیان بڵاوكردەوە كە لە ئۆتۆمبێلێكی رەشدا قسەی ناشیرینیان بە ئاشكرا بە یەكتر دەوت، تەنانەت لۆهان مۆبایلی گریگۆریی لە ئۆتۆمبێل فڕێدایە دەرەوە و خۆی لە پەنا پیاوێك شاردەوە بۆ ئەوەی بیپارێزێ لە لێدانی گریگۆری، بەڵام سەرەڕای ئەمەش بە ئاشكرا و لە شوێنێكی گشتی زۆر بە توندوتیژی مامەڵەی لەگەڵ كرد.
بە گوێرەی چەند هاوڕێیەكی نزیكی لۆهان ئەم رەفتارە چەندین جاری دیكە لە زۆر شوێن دووبارە بۆتەوە و ئەمە یەكەم جار نییە.