ئەستێرەی سینەمایی میسری یاسەمین عەبدولعەزیز دەستی بە هەڵمەتێكی بەرفراوان كرد بۆ فیلمە نوێیەكەی (ابوشنب)، بۆ ئەم مەبەستەش خۆی لە چەندین هۆڵی نمایشكردنی سینەمایی ئامادە بوو بۆ ئەوەی رای جەماوەر وەربگرێت و لە هەمان كاتدا ریكلامێكی بۆ بكات لە نێو جەماوەر.
یاسەمین بێ ئەوەی گوێ بە تەمەنی ئامادەبووانی هۆڵەكانی سینەما بكات لە زۆربەیانی دەپرسی سەبارەت بە فیلمەكە و كاردانەوەیان بەرامبەری، لە هەمان كاتدا بە یاوەری محەمەد سەبكی بەرهەمهێنەری فیلمەكە و كوڕەكەی وێنەی سێلفیی لەگەڵ بەشێكی زۆریان گرتووە، ئەمەش كاریگەریی زۆری هەبووە لەسەر سەركەوتنی فیلمەكە لەرووی جەماوەرییەوە.
شایەنی باسە فیلمی (ابو شنب) كە دوایین فیلمی یاسەمین عەبدولعەزیزە و لە دەرهێنانی سامح عەبدولعەزیزە یەكێكە لەو فیلمانەی كە سەركەوتنێكی بەرچاو و بێ وێنەیان بەدەستهێناوە لە رووی جەماوەرییەوە بەتایبەتی لەو بارودۆخەی ئێستای وڵاتی میسر