لە نوێترین توێژینەوەی زانكۆكانی فلاندرز و ئادیلاید لە ئوستورالیا كە لە گۆڤاری زانستیی Anatomy بڵاوكراوەتەوە، دەركەوتوە كە شادەماری ناوەندی median artery لە باسكی مرۆڤدا و لە چاو سەدەی رابردوو، لە مرۆڤی پێگەشتوەدا بە شێوەیەكی بەرچاو زیادی كردووە، كە دەبێتە هۆی باشتربوون و یاریدەدەرێكی باشە بۆ سووڕی خوێن لە قۆڵ و باسك و بەهێزتربوونی پەنجەكان لە مرۆڤدا، ئەمەش نیشاندەری ئەو راستیەیە كە پەرەسەندن لە مرۆڤیشدا بەردەوامە و خێراتر بووە، ئەم شادەمارە لە هەموو مرۆڤێكدا لە سەرەتای گەشەی نێو سكی دایكدا دروست دەبێت و دواتر لە دەوری هەفتەی هەشتەم نامێنێت و تەنیا ڕێژەیكی كەمی خەڵك ئەم شادەمارە بۆ هەمیشە لە قۆڵیاندا دەمایەوە، كە لە كۆتایی سەدەی 19 تەنها 10%ی خەڵك هەیبوو و لە كۆتای سەدەی 20 بەرزبۆتەوە بۆ زیاتر لە 30% و لە كۆتای ئەم سەدەیەش دەبێت بە بەشێكی سترەكچەری ئاسایی مرۆڤ و زیاتر لە نیوەی هەموو جیهان دەیانبێت، توێژینەوەكە لەسەر لاشەی 78 كەس كراوە كە تەمەنیان لە نێوان 50 بۆ 100 ساڵدا بووە، لەو رێژەویەش 28 كەسیان ئەم تایبەتمەندیەی تێدا بووە، كە دەكاتە 33%ی مرۆڤ.