لەگەڵ وەرزی هاوین، گۆڕانكارییەكان بەسەر گشت لایەنەكانی ژیاندا دێ، ئەمەش وادەكات كە خانمان لەگشت ڕووێكەوە حیساب بۆ لایەنەكانی جوانیی بكەن، خانمان ڕۆژێكی جوانیان هەیە لە ژیانیان، كە ڕۆژێكی پڕ خۆشی و جوانیە، ئەویش ڕۆژی بوونیان بەخانمی بووكە، لەو ڕۆژەدا پێویستە خانمی بووك، گشت لایەنەكانی جوانی لەخۆیدا بەدی بكات، كە لەڕێگەی ئەو لایەنانەوە هۆكارێكی جوان و شایستە دەبێ، بەدللەو كراسی بووك هەردەم نمایشێكی جوان بەخۆیەوە دەدات، لەڕێگەی شێوە جوانی و ڕازاوەكەی خۆیەوە دەكرێ سوودێكی گەورەی هەبێ و تەنانەت مۆدەكانی كراسی بووك جیاوازی هەیە لەوەرزێكەوە بۆ وەرزێكی دیكە، لەتازەترین مۆدەی كراسی بووك، كە مۆدەیەكی ناسكە و لەقوماشێكی سادەوە پێكدێ و تەنانەت قوماشێكی لووسی هەیە، واتە لەمۆدەی پێشوودا كە پەڕپەڕ و لوولەی تێدا بووە، ئەو شێوە گۆڕاوە بۆ كراسی سادە و لووس، سەبارەت بەدیزانی كراسەكەوە، لەسەرەوە كراوەیە، واتە بەشی سەرەوەی نییە و تەنانەت لەخوارەوە، بەبێ نەخشەوە دیزاینی بۆ كراوە، ئەمەش وەك كراسێكی سادە دەبێ، تەنیا لەسەر سینگەوە نەخشێكی بچووكی هەیە، ئەوەش بۆ شاردنەوەی شێوەی سینگەوەیە.