ئاژانسى هه‌واڵى فرانس پرێس بلاویكرده‌وه‌ كه‌ فرۆكه‌ جه‌نگیه‌كانى ئه‌مریكا به‌ خه‌ستى بوردومانى مۆلگه‌ى چه‌كدارانى خوراسانیان له‌ سووریا كردووه‌ و توانیویانه‌ زیانێكى گه‌وره‌ به‌ چه‌كدارانى خوراسان بگه‌یه‌نن.

هاوكات ئاژانسه‌كه‌ ئاماژه‌ى به‌وه‌شدا كه‌ ئه‌و هێرشه‌ ئاسمانیه‌ى ئه‌مریكا به‌ سێیه‌مین هێرشى ئاسمانى ئه‌مریكا هه‌ژمار ده‌كرێت كه‌ له‌ سه‌ره‌تاى مانگى ئابه‌وه‌ بۆ سه‌ر مولگه‌ى خوراسان ئه‌نجامى داوه‌. جێى باسه‌ گروپى خوراسان یه‌كێكه‌ له‌و گروپه‌ توندره‌و جیهادیانه‌ى كه‌ سه‌ر به‌ رێكخراوى تیرۆریستى قاعیده‌یه‌.