جین ساكی، گوتەبێژی وەزارەتی دەرەوەی ئەمریكا لەگەڵ ئەوەی جەختیكردەوە لەسەر بێمەیلبوونی ئەمریكا بۆ سەپاندنی گەمارۆی نوێ بەسەر ئێراندا تا كاتێك لە قۆناغی هەوڵی هاوبەشدان، هیوایشی خواست لایەنەكان تاوەكو كۆتایی مانگی مارس بگەنە رێككەوتنێك بۆ هەوڵی گشتگیر و دوای ئەوە شارەزایان وردەكارییەكان تەواوبكەن.

گوتەبێژی وەزارەتی دەرەوەی ئەمریكا هەروەها رایگەیاندووە، جۆن كیری وەزیری دەرەوە دوای گەڕانەوەی لە دانوستاندنە ئەتۆمییەكانی ڤییەننا، بەردەوام لەگەڵ ئەندامانی كۆنگرێسی ئەمریكا لە پەیوەندیدایە.

جین ساكی روونیشیكردووەتەوە، كە وەزارەتی دەرەوەی ئەمریكا دەیەوێت هەروەك چۆن داوا لە ئێران دەكەن لە چوارچێوەی هەوڵی هاوبەشدا پابەندی بەڵێنەكان بێت ، ئەمریكایش بە هەمانشێوە پابەند بێت، ئەوەیش بەو واتایەی كە نابێ گەمارۆی نوێ بەسەر ئێراندا بسەپێنرێ.

جەختی لەوەشكردەوە كە ئەمریكا بە پێویستی زانیوە دانوستاندنەكان نوێبكرێنەوە.






رووداو