سکرتێری گشتی نەتەوەیەکگرتووەکان هۆشداریی دەدات لە هەڵگیرسانەوەی شەڕی سارد لە ئاکامی کێشەکانی ئۆکرانیا.

هەرچەند باسكردن لە قەیرانی ئۆكرانیا بەشێك نەبووە لە بەرنامەی كاری كۆبوونەوەی گرووپی 20 ، بەڵام لە وتاری بەرپرسانی وڵاتاندا باسیكراوە و بان كی مۆن، سكرتێری گشتی نەتەوە یەكگرتووەكان لەكاتی قسەكانی لە دەستپێكی كۆبوونەوەكە، دۆخی ئێستای بە هاتنە ئارای جۆرێك لە شەڕی سارد لە جیهاندا چواند و گوتی : "راستگۆیانە هیوای ئەوە دەخوازم كە ئەم پرسە بە پێی پرۆتۆكۆڵی مینسك و رێككەوتنە ئەنجامدراوەكان ، لە لایەن رووسیا و یەكێتی ئەوروپا و ئەمریكاوە چارەسەر بكرێت".

هاوكات هێرمان ڤان رامپسی، سەرۆكی ئەنجومەنی ئەوروپا، گوتی: بەرزبوونەوەی ئاستی بەریەككەوتنە سەربازییەكان، ئاستی نیگەرانییەكانی بەرز كردووەتەوە.

یەكێتی ئەوروپا لەو بڕوایەدایە كە قەیرانەكە چارەسەری سیاسی چارەبكرێت و هەموو ئەو ئامرازە دپلۆماسییانە بە كاردێنن، كە لە بەردەستیانن، لەوانەش گەمارۆی ئابووری.








رووداو