په‌نتاگۆن: هێزی مارێنز له خۆرهه‌ڵاتی ناوه‌ڕاست داده‌به‌زێنێت
جۆن كیربی، وته‌بێژ به‌ناوی په‌نتاگۆن رایگه‌یاند، "ئه‌و هێزه‌ی مارێنز كه له‌خۆرهه‌ڵاتی ناوه‌ڕاست جێگیر ده‌كرێت، په‌یوه‌ندیی به جه‌نگی عیراق له‌دژی داعش نابێت"، وتیشی: ئه‌و هێزه له‌لایه‌ن فڕۆكه‌ی جه‌نگیه‌وه پشتیوانیی لێده‌كرێت و له‌ئاماده‌باشیدا ده‌بێت بۆ به‌ره‌نگاربوونه‌وه‌ی ئه‌گه‌ری سه‌رهه‌ڵدانی هه‌ر رووداوێكی كتوپڕ.
به‌وته‌ی ئه‌فسه‌رێكی سه‌ربازیی ئه‌مریكا ، هێزه‌كه‌ی مارێنز له كوه‌یت جێگییر ده‌كرێت.
مه‌سه‌له‌ی جێگییركردنی هێزێكی مارێنزی ئه‌مریكا له خۆرهه‌ڵاتی ناوه‌ڕاست ساڵی رابردوو تاوتوێ كراوبوو له‌لایه‌ن به‌رپرسه سه‌ربازییه‌كانی ئه‌مریكا، پێش ده‌ستپێكردنی هه‌ڵمه‌تی ئاسمانی فڕۆكه جه‌نگیه‌كانی ئه‌مریكا بۆ لێدانی داعش له عیراق.
خه‌ندان
