باراك ئۆباما سه‌رۆكی ئه‌مه‌ریكا له‌ وته‌یه‌كی كورتدا له‌ واشنتۆن سه‌باره‌ت به‌ گورزوه‌شاندنه‌كانی وڵاته‌كه‌ى و وڵاتانی هاوپه‌یمانان دژ به‌ پێگه‌كانی رێكخراوی تیرۆریستی داعش و به‌ره‌ى نوسره‌ له‌ سووریا دووپاتی كرده‌وه‌ كه‌ ئه‌وان به‌ نیازن شه‌ڕى دژ به‌ تیرۆریزم درێژه‌ پێ بده‌ن.

روونیشی كرده‌وه‌ كه‌ شه‌ڕى دژ به‌ تیرۆر ته‌نیا شه‌ڕى ئه‌مه‌ریكا نییه‌و جه‌ختی له‌سه‌ر پشتیوانی كردنی كۆششه‌ نێوده‌وڵه‌تییه‌كان كرده‌وه‌ كه‌ ده‌چنه‌ ئه‌و چوارچێوه‌وه‌.

ئۆباما گوتیشی له‌و گورزوه‌شاندنانه‌دا وڵاتانی هاوپه‌یمان و وڵاتانی دۆست هاوكارییان كردووه‌و ستایشی هێزی وڵاتانی هاوپه‌یمانیشی كرد، ئۆباما له‌ وته‌كه‌یدا پێداگیری له‌سه‌ر پێویستی وشك پێ كردنی ئه‌و سه‌رچاوانه‌ كرد كه‌ ده‌بنه‌ هۆی ده‌سته‌به‌ركردنی پاڵپشتی دارایی بۆ رێكخراوه‌ تیرۆریستییه‌كان، گوتیشی وڵاته‌كه‌ى هه‌موو كارێك ده‌كات بۆ شكست پێ هێنانی چه‌كداره‌كانی داعش پێویست بێت.