شای ئوردن رەخنە لە وڵاتە یەکگرتووەكانی ئەمریكا دەگرێت و دەڵێت، دەبووایە زۆر زوو و لە كاتی خۆیدا رووبەڕووی چەكدارانی داعش بووەستابووایە و رێگری لێ بکردایە، تا تەشنەی نەكردبا لە عێراق و سووریا.

شا عەبدوڵڵای دووەم، شای ئوردن لە چاوبێكەوتنێكی تەلەفزیۆنیدا ئاماژی بەوە كرد، "داعش ئیستا زۆر ناوچەی داگیركردوە و خاوەنی نەوتە و لەتوانایدایە لە ساڵیكدا یەك ملیار دۆلار بە دەستبهێنیت و مووچەی چەكدارە بیانییەكانی بدات، جگە لە كڕینی چەک".

شای ئوردن ئاماژەی بەوەشكرد، کە "سەركردەكانی داعش بە هیچ جۆریک مسوڵمان نین و دەبێت هەموو جیهان یەك بگرێت دژی ئەم چەكدارانە، كە زۆربەی ناوچە سنوورییەكانی سووریا وعێراقیان داگیركردووە".

شا عەبدوڵا، كە ئیستا بۆ بەشداریكردن لە كۆبوونەوەكانی ئەنجوومەنی گشتی نەتەوە یەگرتووەكان لە نیۆیۆركە، هەروەها گوتی :" دەبووایە كۆمەڵگەی نێودەوڵەتی بە شێوەیەكی بەهێزتر و بەگەرەنتییەوە كاری بكردایە بۆ نەگەیشتنی داعش بە سەرچاوەکانی دارایی و تەشەنەكردنی لە سووریا".










رووداو