هێزە ئاسمانییەکانی سووریا روودەکەنە باکووری کوردستان
سەرۆکایەتی ئەرکانی سوپای تورکیا لە راگەیێندراوێکدا ئاشکرایکرد، هەلیکۆپتەرێکی سەربازی سووری لە جۆری MI-17 رووی کردووەتە شارۆچکەی نوسەیبین لە ماردین و هێزە ئاسمانییەکانی تورکیاش رێگەیان گرتووە لەوەی سنووری تورکیا ببەزێنێ.
لە لایەکی دیکەوە فڕۆکەیەکی جەنگی سووریا لە جۆری SU-22 لە نزیک خاڵی سنووری (جیلڤەگۆز)ەوە لە سنوورە ئاسمانییەکانی تورکیا نزیکبووەوە و فڕۆکە جەنگییەکانی تورکیا رێگەیان لە سنووربەزاندنی ئەویش گرت.
رۆژی 23-03-2014 ش هێزە ئاسمانییەکانی تورکیا بە پاساوی ئەوەی سنووری ئاسمانی ئەو وڵاتەی بەزاندووە، فڕۆکەیەکی سووریان لە جۆری MIG-23 خستەخوارەوە.
رووداو
