شەوی ڕابردوو میدیاكانی میسر هەواڵی گرتنی یەكێك لە توندڕەوترین سەركردە هەڵاتووەكانی ئیخوان موسلمینیان ڕاگەیاند. میدیاكان لە زاری سەرچاوە ئەمنییەكانی میسرەوە دەڵێن، سەفوەت حیجازی، بە جلوبەرگی ئافرەتان و بە نیقابەوە گیراوە.

سەفوەت حیجازی، یەكێكە لە توندڕەوترین سەركردەكانی ئیخوان و بە(هەڵۆ)كەی ئیخوان دەناسرێت.

حیجازی یەكێك بوو لە سەرپەرشتیارانی گردبوونەوەكانی ڕابیعەی عەدەوییە و لە لایەن هێزە ئەمنییەكانی میسرەوە بە كوشتن و سووتاندن و تێكدانی ئاسایشی گشتی و تیرۆر تۆمەتبار دەكرێت.

میدیاكانی میسر لە سەرچاوەیەكی وەزارەتی ناوخۆی میسرەوە ڕایانگەیاند دوێنێ هێزە ئەمنییەكانی میسر لە شارۆچكەی \"سیوە\""ی نێزیك سنووری لیبیا گیراوە و بەلێكدانەوەی سەرچاوەكە حیجازی ویستوویەتی بەرەو لیبیا ڕابكات.

سەرچاوەكە تەئكیدی كردەوە كە سەفوەت حیجازی بە جلوبەرگی ئافرەتان و بە نیقابێكی باڵاپۆشەوە لە نێو ئۆتۆمبێلێكی تاكسیدا گیراوە. "