رێكخراوی تیرۆریستی ئەلنەسرە زیاتر لە 50 ژن و منداڵی كوردی كوشت
لەم بارەیەوە ئاژانسی هاوار بڵاوی كردەوە كە دوێنێ تیرۆریستانی رێكخراوی تیرۆریستی ئەلنەسرە لە ناوچەی حەلەب هێرشیان كردووەتە سەر دوو گوندی كوردان و لە ئەنجامدا زیاتر لە 50 ژن و منداڵی كوردیان كوشتووە.
لە لایەكی دیكەوە هەر لە شاری حەلەب رێكخراوی دەوڵەتی ئیسلامی عێراق زیاتر لە 10 هاووڵاتی كوردی مەدەنی دەستگیر كردووە و دوای ئەشكەنجەدانێكی زۆر سەری بڕیون.
