له تاران له رێوڕه‌سمێكدا پۆستی سه‌رۆك كۆماری ئێران به حه‌سه‌ن روحانی راسپێردرا
حه‌سه‌ن روحانی له وتاری ده‌ستبه‌كاربوونیدا ئاماژه‌ی به هه‌ڵبژاردنه‌كانی سه‌رۆككۆماری ئێران كرد و رایگه‌یاند: ده‌بێ دووره‌په‌رێزی بكرێ له توندره‌وی و میانه‌ره‌وی بگرینه‌به‌ر و میانه‌ره‌وی به‌مانای پارێزگاریخوازبوون نییه‌و دووربوونه له توندره‌وی، هه‌روه‌ها سه‌رۆككۆماری نوێی ئێران داوا له حكوومه‌ت كرد كه فه‌زای سیاسی كراوه‌تر بێ و رێگای ئاشته‌وایی نیشتمانی بكرێته‌وه.
رێوره‌سمی ئه‌مرۆ له حوسه‌ینییه‌ی ئیمام خومه‌ینی له تاران به‌رێوه‌چوو و عه‌لی خامنه‌یی رابه‌ری ئێران فه‌رمانی ده‌ستبه‌ركاربوونی حه‌سه‌ن روحانی واژۆ كرد و سه‌رۆككۆماری نوێی ئێران به‌فه‌رمی كاره‌كانی ده‌ستپێكرد و بریاره سبه‌ی له په‌رله‌مان سوێندی یاسایی ده‌خوات.
