گرینیبش لەباره‌ی زیادبوونی دەرچوونی گازەكان هۆشداری دەدات
ئەو رێكخراوە دووپاتی راپۆرتێكی رێكخراوی نەتەوە یەكگرتووەكانی كردووە لەبارەی مەترسی دەرچوونی بەردەوامی گازە كاربۆنییەكان لە جیهاندا و دەڵێ پێویستە مرۆڤایەتی خۆی لەو مەترسییە رزگار بكات .
هەروەها داوای كردووە بۆ رێگرتن لە زیادبوونی ئەو دۆخە رێوشوێنی پێویست بگیرێتە بەر.
هەروەها گوتی: لە چەند هەفتەی رابردودا چەندین هۆشداریمان لە رێكخراوە نێودەوڵەتییەكانەوە بینی لە زیادبونی 4 پلە لە گەرمی سەر رووی زەوی و ئەوەش كاریگەریی لەسەر سەقامگیری سیاسی و جوگرافی هەیە.
ئەوە دڵەڕاوكەی لای وەبەرهێنەران لە هەموو جیهاندا دروستكردووە چونكە ژینگەی نالەبار و گەرم كاریگەریی لەسەر كاری ئەوان دەبێت.
رێكخراوی ژینگەی سەر بە نەتەوە یەكگرتووەكان چەندین جار هۆشداری داوە لەوەی كە پێویستە دەرچوونیی گازەكان چەند بێت و ئێستا چەندە.
لە 5 ساڵی رابردوودا بەكارهێنانی خەڵوز بووەتە هۆی چەندبارە زیادبوونی دەرچوونی گازی دووەم ئۆكسیدی كاربۆن و ئەوەش مەترسی گەورەی بۆسەر تەندروستی مرۆڤ هەیە.
سەرچاوە: میدڵ ئیست
ئا: PNA
