26ی تشرینی دووه‌م/نۆڤمه‌به‌ر(گوڵان میدیا)- ئاگاداری سه‌رجه‌م كاندیده‌كانی به‌رنامه‌ی تواناسازی ده‌كه‌ین (ئه‌وانه‌ی تا ئـیستا ئۆفه‌ری ئه‌كادیمییان به‌ده‌ست نه‌هێناوه) رِێكخراوی (AMIDEAST) به هاوكاری وه‌زاره‌تی خوێندنی باڵا و توێژینه‌وه‌ی زانستیی زنجیره‌یه‌ك وۆرك شۆپ رِێكده‌خات به مه‌به‌ستی هاوكاریكردن و رِێنوێنی كردنی كاندیده‌كانی به‌رنامه‌ی تواناسازی بۆ به‌ده‌ستهـێنانی ئۆفه‌ری ئه‌كادیمی و پێشكه‌شكردنی رِێنمایی پێویست ده‌رباره‌ی به‌ده‌ستهینانی ڤیزا.هاوكات له‌م وۆرك شۆپانه‌دا نوێنه‌ری وه‌زاره‌تی خویندنی باڵا و توێژینه‌وه‌ی زانستیی ئاماده ده‌بێت بۆ وه‌ڵامدانه‌وه‌ی پرسیار و تێبینییه‌كانی كاندیده‌كان.
كات و شوێنی وۆركشۆپه‌كان به‌م شێوازی لای خواره‌وه‌یه: له شاری هه‌ولێر: رۆژی سێشه‌ممه ٢٧/١١ له هۆڵی مه‌ڵبه‌ندی رِۆشنبیری زانكۆی سه‌لاحه‌ددین كاتژمێر ١٠.٣٠ ی سه‌رله‌به‌یانی، له شاری دهۆك رۆژی پێنجشه‌ممه٢٩ ی مانگ له هۆڵی كۆبونا زانكۆیا دهۆك، له شاری سلێمانی رۆژی شه‌ممه ١/١٢ هۆڵی رِاپه‌رِینی زانكۆی سلێمانی، كاتژمێر ١٠.٣٠ی سه‌رله‌به‌یانی، هاتن بۆ هه‌موو كاندیده‌كانی به‌رنامه‌ی تواناسازییه، هه‌روه‌ها ئه‌و پێشكه‌شكارانه‌ی كه له خوله‌كانی ئاینده‌دا به نیازن داوا پێشكه‌ش بكه‌ن ده‌توانن ئاماده‌ی ئه‌م وۆركشۆپه ببن.
