Keçek 15 salî di nav kampeke awareyan de xwe xeniqand
Keçeke Ereb bi navê Miryem Hisên ku temenê wê tenê 15 sal bû, ji ber xirabiya rewşa jiyanê û xizaniyê (hejariyê) li bajarê Kerkûkê xwe xeniqand.
Miryem Hisên xelkê navçeya Şergatê ya girêdayî parêzgeha Mûsilê bûye, ku piştî êrişên DAIŞê, zêdetirî salekê bû ligel malbat û kesûkarên xwe li kampa Leylan a li parêzgeha Kerkûkê dijiya.
Kesûkarên Miryem Hisên dibêjin, demek bû ku keça wan dilten gû bêzar bibû. Malbat dibêje, îro înê keça wan ji ber rewşa xirab a jiyanê, xwe xeniqand û dawî bi jiyana xwe aniye.
Rêvebirê Polîsê Bajar û Bajarokên Kerkûkê Serhed Qadir di daxuyaniyeke ligel Rûdawê de, bûyer piştrast kir û ragihand, keçikê xwe di hemama malê de xeniqandiye û polîs derbarê bûyerê de dest bi lêkolînê kiriye.
Rudaw
