Li Kerkûkê polîsekî 2 xwîşk û hevjîna xwe kuştin
Li bajarê Kerkûkê yê Başûrê Kurdistanê, zilamek bi çeka Klaşînkovê êriş dike ser mala xwe û endamên mala xwe dide ber gulleyan.
Li gor agahiyan, di encama gullereşandina de, ew zilam 2 xwîşk û hevjîna xwe dikuje.
Rvebirê Polîsê Bajar û Bajarokên Kerkûk Serhed Qadir ji Rûdawê re ragihand: Êvariya înê 19êê Sibatê polîsekî bajarê Kerkûkê di jêr bandora madeyên alkolî de serxweş bûye û bi çek êrişî kiriye ser malbata xwe.
Serhed Qadir got, di encama êrişê de wî zilamî 2 xwîşk û hevjîna xwe kuştine.
Qadir herwiha got, navê wî polîsî P.C û Kurd e û parêzvanê yek ji fermandeyên Polîsê Kerkûkê bûye û li taxa Barûtxane ya Kerkûkê akincî bûye.
Li gor zanyariyên Rûdawê, hevjîna wî zilamî ku di bûyerê de hatiye kuştin, ducanî (pêgiran) bûye.
Rudaw
