Li gor raporteke beşa lidûvçûnên navxweyî ya Netewên Yekbûyî, di heyama borî de bi dehan karmend û serbazên aştîparêz ên ser bi wê rêxistina navdewletî ve li çend welatên Afrîqa û welatê Haîtiyê, destdirêjiya seksî kirine ser zêdetirî 250 jinan.

Berdevkê Sekreterê Giştî yê Netewên Yekbûyî Stephan Dujarek ji Rûdawê re ragihand: “Em bi awayeke berdewam lêkolînê derbarê wê bûyerê de dikin.”

Pêştir NY derbarê pêwendiya seksî ya karmend û serbazên aştîparêz ên xwe ligel penaberan de, digot, ew kesê dehf nadin û ew kar tenê de di demekê de tê kirin ku li hember pereyan be.

Lê berdevkê Netewên Yekbûyî di bersiva pirsiyara Rûdawê ya derbarê wê helwesta wan de got: “Her pêwendiyek di navbera karmendên NY û her penaberek an aliyek an her kesekê de ku mifayê ji alîkariyên NYyê werdigre, bi hemû awayî qedexe ye.”

Rudaw