Li Tirkiye û Bakurê Kurdistanê di rojekê de 177 kes bi Coronayê mirin
![Li Tirkiye û Bakurê Kurdistanê di rojekê de 177 kes bi Coronayê mirin](https://gulanmedia.com/public/old_images/articles/549791Image1.jpg )
Wezîrê Tendirustiyê yê Tirkiyê, Fahrettin Koca amarên nû yên Coronayê yên 24 demjimêrên bihorî aşkere kir.
Fahrettin Koca diyar kir, ku di nava 24 demjimêrên derbasbûyî de 171 hezar û 113 pişkinînên taybet bi Coronayê hatine encamdan, ku encamên 29 hezar û 845 ji wan pozîtîv bûye.
Her li gor amarên nû, ji duh ve heta îro 177 kes ji pêketiyên Coronayê li Tirkiyê û Bakurê Kurdistanê canê xwe ji dest dane. Herwiha 3 hezar û 845 kes ji nexweşên Coronayê jî di nava 24 demjimêrên borî de baş bûne.
Bi van amaran re, hejmara kesên ku heta niha li Tirkiyê û Bakurê Kurdistanê bi vîrusa COVID-19 ketine, gihîştiye 481,198 kesan û 13,191 kesan jî canê xwe ji dest dane, herwiha heta niha 392,616 kes jî ji vîrusê baş bûne.
Li gor Wezareta Tendirustiya Tirkiyê, heta niha bi giştî li Tirkiyê û Bakurê Kurdistanê 18 milyon û 72 hezar û 981 pişkinînên Coronayê hatine pêkanîn.
Rudaw