Li gor amarên Polîsên Nehiştina Tawan ên Silêmaniyê, ji sedî 60’ê wan kesên ku derengê şevê mey vedixwin, zarok in û temenê wan ji 17 salan kêmtir e.

Di vê derbarê de Serokê Komisyonên Hevbeş ên Qeymeqamiya Silêmaniyê Soran Ebdulxefûr ji BasNewsê re got: ‘’Li ser daxwaza hevwelî xwediyên dikanên meyfiroş, firotina mey piştî saet 10’ê şevê hatiye qedexe kirin. Lê hevwekatiyan ev qedexe şaş fam kirine, di demekê de ku hêzên polîs û piraniya welatiyan ji meyvexwarina zarokan nîgeran in ku hê temenê wan negehiştiye 17 salan.’‘

Ebdulxefûr wiha axifî: ‘’Li gor amarê Polîsên Nehiştina Tawan, ji sedî 60’ê wan kesên ku piştî saet 11’ê şevê mey vedixwin, zarok in û temenê wan nagihe 17 salan. Mêjiyê wan xwe li ber wê hemû meyvexwarinê nagire û di encam de jî karên şaş û tawanan dikin.’‘

Piştî biryara qedexekirina meyfirotinê piştî saet 10’ê şevê li Silêmaniyê, hinek çalakvanan biryar rexne kirin û gotin ku evna sînordarkirina azadiya kesan e. Herwiha beşeke zêde ya welatiyan jî piştgiriya biryarê dikin.

Basnews