Berpirsê Rêveberiya Rûbirûbûna Şîdeta li Dijî Jinan li Duhokê, Dr. Samî Celal ragehand ku sala borî li Duhokê di warê tacîzkirina jinan, ji tevahiya Herêma Kurdistanê zêdetirîn rewş hatine tomar kirin û belkî îsal jî heman rewş ber bi zêdebûnê ve biçe.

Di vê derbarê de Dr. Samî Celal ji bo BasNewsê re got: ‘‘Ji destpêka îsal heta niha 12 jinên parêzgeha Duhokê rastî destdirêjiya seksî bûne û li gor sala borî, rewşên tacîzê zêde bûne. Herwiha ji destpêka îsal heta niha 2 jin hatine kuştin, du jinan xwe kuştiye û 14 jinan jî hewla xwe kuştinê dane, pênc jin hatine şewitandin û 10 jinan jî xwe şewitandiye.’’

BasNews