Hatina geştiyaran bo Rojhilata Kurdistanê bi awayekî berçav zêde bûye, tenê cejna Newrozê de zêdeyî 500 hezar geştyaran serdana Kirmanşanê kirine.

Rêveberê Navenda Kulturî û Pîşeyên Dest û Geştiyariyê li bajarê Kirmanşan ê Rojhilatê Kurdistanê, Ehî Fîelgerş ragihand ku, di rojên cejna Newrozê de zêdeyî 500 hezar geştiyar ji seranserê Îranê hatine parêzgeha Kirmanşan û serdana cihên dîrokî yên wek Bêstûn û Taqosan kirine.

Fîelgerî got: “Heta roja pêncem a bêhnvedana Newrozê, 551 hezar geştyaran serdana Kirmanşanê kirine û di konên demkî de diman.”

Li parêzgeha Kirmanşanê bi dehan cihên dîrokî hene wek Bêstûn, Taqosan, Tikiya Miaunul Mulk, Bêglerbeygî û Bazara Dîrokî, ku bala geştyaran dikşîne. Herwih Kirmanşan mezintirîn parêzgeh e li Rojhilatê Kurdistanê, ku 13 qeza tê de hene û nêzîka 2 milyon hevwelatî tê de dijîn.

Basnews