Şêwirmenda Navenda Nehiştina Madeyên Hoşber a Îranê Zehra Bunyanyan eşkere kir ku nêzîka ji sedî 10’ê jinên Îranî bi madeyên hoşber ve girêdayî ne. Zehra Bunyanyan da zanîn ku temenê wan jinan di navbera 20-36 salî de ye û hejmara jinên bi madeyên hoşber ve hatine girêdan zêdetir li gundan e.

Rêveberê Navenda Nehiştina Madeyên Hoşber a Îranê Ebdulreza Rehmanî Efzelî jî derbarê heman mijarê de wiha dibêje: ‘’Rojane nêzîka 10 kesan ji ber madeyên hoşber canê xwe ji dest didin. Herwiha li Îranê herî kêm 6 milyon kes girêdayî madeyên hoşber in. Herwiha ji sedî 63 yên girêdayî madeyên hoşber xêzandar, ji sedî 75 jî xwendevan in û dîplomayên wan ên bilind hene.’‘

Berî niha jî hatibû ragehandin ku her diçe ciwanên Îranî zêdetir bi madeyên hoşber ve tên girêdan û li gor daneyên dawî zêdeyî 5 milyon kes bi madeyên cor bi cor ên hoşber ve hatine girêdan.

Di vê derbarê de Mamostayê Zanîngeha Pizîşkî ya Tehranê Dr. Mehdî Kerubî ji malpera Elf a Farisî re gotibû: ‘’Zêdeyî 140 cor madeyên hoşber li Îranê hene ku ciwan wan bikar tînin. Carna medeyên wek reng û benzînê jî bikar tînin û bi wan ve hatine girêdan.’‘

Hêjayê gotinê ye li Îranê salane 300 hezar kes li ser bazirganiya madeyên hoşber an jî bikaranîna wan madeyan tên girtin û bo girtîgehan tên şandin. Herwiha salane gelek kes jî li ser heman madeyan tên darvekirin.

Basnews